తల్లి ఆశీస్సులే జీవితానికి అసలైన సంపద, తుర్కపల్లి 190వ డివిజన్ బీఆర్ఎస్ అధ్యక్షుడు చెలిమెల మహేష్ తల్లిగారి 70వ జన్మదిన వేడుకలు ఘనంగా..

తల్లి ఆశీస్సులే జీవితానికి అసలైన సంపద,

తుర్కపల్లి 190వ డివిజన్ బీఆర్ఎస్ అధ్యక్షుడు చెలిమెల మహేష్ తల్లిగారి 70వ జన్మదిన వేడుకలు ఘనంగా..

మేడ్చల్–మల్కాజ్‌గిరి జిల్లా మన వార్త :తుర్కపల్లి 190వ డివిజన్ బీఆర్ఎస్ పార్టీ అధ్యక్షుడు చెలిమెల మహేష్ తల్లిగారి 70వ జన్మదిన వేడుకలు బీఆర్ఎస్ 190వ డివిజన్ కుటుంబ సభ్యుల ఆధ్వర్యంలో ఆత్మీయ వాతావరణంలో ఘనంగా నిర్వహించారు.

ఈ సందర్భంగా తల్లి ప్రేమ, త్యాగం, మమకారం గురించి పలువురు నాయకులు భావోద్వేగంగా మాట్లాడారు. "తల్లి ప్రేమకు ప్రత్యామ్నాయం లేదు.. తల్లి ఆశీస్సులు ఉంటే ఏ పనిలోనైనా విజయం సాధించవచ్చు" అని పేర్కొన్నారు. కుటుంబాన్ని నిలబెట్టి, పిల్లలను ఉన్నత స్థాయికి తీసుకువచ్చే ప్రతి తల్లి సమాజానికి ఆదర్శమని కొనియాడారు.

జన్మదిన వేడుకల్లో కేక్ కట్ చేసి, తల్లిగారికి శాలువా కప్పి, పుష్పగుచ్ఛాలు అందజేసి ఘనంగా సత్కరించారు. ఆమెకు దీర్ఘాయుష్షు, ఆయురారోగ్యాలు ప్రసాదించాలని ఆకాంక్షిస్తూ జన్మదిన శుభాకాంక్షలు తెలిపారు.

ఈ సందర్భంగా చెలిమెల మహేష్ మాట్లాడుతూ, "నన్ను ఈ స్థాయికి తీసుకురావడంలో మా అమ్మ చేసిన త్యాగాలు, ప్రేమ, ప్రోత్సాహం ఎప్పటికీ మరువలేనివి. తల్లి ఆశీస్సులే నాకు అతిపెద్ద బలం" అని భావోద్వేగంగా అన్నారు.

ఈ కార్యక్రమంలో బీఆర్ఎస్ పార్టీ నాయకులు, కార్యకర్తలు, డివిజన్ కుటుంబ సభ్యులు, బంధుమిత్రులు పెద్ద సంఖ్యలో పాల్గొని తల్లిగారికి జన్మదిన శుభాకాంక్షలు తెలియజేశారు. కుటుంబ బంధాలు, మాతృమూర్తి గొప్పతనాన్ని ప్రతిబింబించిన ఈ వేడుక ఆత్మీయంగా, ఆనందోత్సాహాల మధ్య జరిగింది.