మచ్చ బొల్లారంలో ఓపెన్ జిమ్‌ల ఏర్పాటుకు శ్రీకారం మంగాపురం కాలనీ, ప్రెసిడెన్సీ అవెన్యూలో ఫిట్‌నెస్‌ సదుపాయాల ప్రారంభం

మచ్చ బొల్లారంలో ఓపెన్ జిమ్‌ల ఏర్పాటుకు శ్రీకారం
మంగాపురం కాలనీ, ప్రెసిడెన్సీ అవెన్యూలో ఫిట్‌నెస్‌ సదుపాయాల ప్రారంభం.

మేడ్చల్ మల్కాజ్గిరి జిల్లా 11మన వార్త : ప్రజల ఆరోగ్యం, ఫిట్‌నెస్‌ను ప్రోత్సహించేందుకు మచ్చబొల్లారం డివిజన్‌లో పలు ప్రాంతాల్లో ఓపెన్ జిమ్‌ల ఏర్పాటుకు శ్రీకారం చుట్టారు. మాజీ కార్పొరేటర్, 190 & 191 డివిజన్ల ఇన్‌చార్జి రాజ్ జితేందర్ నాథ్ ఆధ్వర్యంలో మంగాపురం కాలనీ థీమ్ పార్క్ ప్రాంతం మరియు ప్రెసిడెన్సీ అవెన్యూలో ఓపెన్ జిమ్‌ల ఏర్పాటుకు శంకుస్థాపన కార్యక్రమాలు నిర్వహించారు.మంగాపురం కాలనీ థీమ్ పార్క్‌లో ఇప్పటికే ఉన్న యోగా కేంద్రం పక్కనే సుమారు 12 రకాల ఫిట్‌నెస్ పరికరాలతో ఓపెన్ జిమ్ ఏర్పాటు చేయనున్నారు. ఇందులో కాళ్ల వ్యాయామ పరికరాలు, ఉదర భాగం వ్యాయామానికి సంబంధించిన యంత్రాలు తదితర సదుపాయాలు అందుబాటులోకి రానున్నాయి. ఈ పనుల కోసం సుమారు రూ.10 లక్షలు వ్యయం చేయనున్నట్లు తెలిపారు.అదేవిధంగా ప్రెసిడెన్సీ అవెన్యూలో సుమారు రూ.12 లక్షల వ్యయంతో 10 రకాల ఫిట్‌నెస్ పరికరాలతో కూడిన ఓపెన్ జిమ్‌తో పాటు చిన్నారుల కోసం ప్రత్యేక ఆటవస్తువులు, ప్లే ఏరియా ఏర్పాటు చేయనున్నట్లు వెల్లడించారు. ఈ ప్రాజెక్టులు పూర్తయిన తర్వాత స్థానిక ప్రజలు, యువత, మహిళలు మరియు వృద్ధులకు ఆరోగ్యకరమైన వాతావరణంలో వ్యాయామం చేసే అవకాశం లభిస్తుందని పేర్కొన్నారు.
ఈ సందర్భంగా స్థానిక కాలనీల అభివృద్ధికి ప్రజల సహకారం ఎంతో అవసరమని రాజ్ జితేందర్ నాథ్ అన్నారు. ప్రజల అవసరాలకు అనుగుణంగా మరిన్ని అభివృద్ధి కార్యక్రమాలను చేపడతామని హామీ ఇచ్చారు.కార్యక్రమంలో మంగాపురం కాలనీ ఆర్‌డబ్ల్యూఏ సభ్యులు రాకేష్ రావు, వెంకట్ రావు, హనుమంతరావు, రాఘవరావు, వీరేన్ రావు, రాజలింగం, సుధీర్ రెడ్డి, ఆనందమూర్తి, రాజు సమాల్ తదితరులు పాల్గొన్నారు. ప్రెసిడెన్సీ అవెన్యూ ప్రతినిధులు ప్రవీణ్, బాల్‌రెడ్డి, రంగారెడ్డి, నరేష్, ప్రమోద్, కులకర్ణి, రమేష్ నాయుడు, యూసుఫ్, దొరస్వామి రెడ్డి, విష్ణు, ప్రియతమ్ తదితరులు హాజరయ్యారు.ఈ కార్యక్రమంలో కాంగ్రెస్ నాయకులు సురేందర్ రెడ్డి, శ్రీశైలం, లడ్డూ రెడ్డి, వెంకటేష్, సంపత్ యాదవ్, కొండల్ రెడ్డి, శ్రీనివాస్ గౌడ్, దేవా, రాజేందర్, నవీన్, అరుణ్ తదితరులు పాల్గొని అభివృద్ధి కార్యక్రమాలకు తమ మద్దతు తెలిపారు.స్థానిక ప్రజలకు ఆరోగ్యవంతమైన జీవనశైలిని అందించడమే ఈ ఓపెన్ జిమ్‌ల ప్రధాన లక్ష్యమని నిర్వాహకులు తెలిపారు.